مروه سرحان تكتب…صراع الأزواج والزوجات مفتعل

.بقلم/مروه سرحان

الموضوع وما فيه أنا شايفه حمله معموله لتوقيع الأزواج فى بعضها ومش بس كدا لا دا موضوع كمان يوصل لخراب البيوت !!!! ألا وهو إنشاء صراع مفتعل بين الأزواج و الزوجات والعكس صحيح طبعا ،،،ما هو لازم الحمله توصل لأهدافها من جميع الجهات . بدأت الحمله من (أن الزوجة مش ملزمة )و أنا قصده أضعها بين قوسين .حجات كتير بقى مش ملزمة تخدم بيتها وزوجها و مش ملزمه تعمل أى شئ . ومن ناحية أخرى (الأزواج من حقها التعدد)و أنا قصده أضعها بين قوسين . و أصبح مواقع التواصل الإجتماعى بل والإعلام فى حرب ما بين مؤيد و ما بين معارض . السؤال هنا او بالأحرى مجموعة التساؤلات هنا كالأتى:_. 1_ما الهدف من طرح تلك المواضيع فى ذلك الوقت؟. 2_هل هذا الوقت مناسب لطرح تلك المواضيع فى ظل الظروف المادية والنفسية التى تمر بها مصر؟. 3_هل نحن نحتاج طرح تلك المواضيع؟. الصراحة أنا دار فى ذهنى تلك التساؤلات و أكثر بكثير منها. تمام أنا ممكن أقول حاجة بسيطة جدا آه الدين بيقول أن الزوجة مش ملزمة إنها تخدم زوجها و لو زوجته متعوده على وجود شغالة فى حياتها قبل الزواج يجب أن يوفرها لها ولكن يا ست الستات لو زوجك مش عنده القدره الماديه لذلك هتعملى إيه هتخربي بيتك يعنى هنضيع العلاقات الأسرية و الموده و الرحمة فين . الخلاصه يا ست البنات لو عنده القدره ورفض حقك تغضبي. يا إعلام يا بشر ربنا قال حجات كتير إيه اللى مطبق فى الدين فى مجتمعنا ماشين عليه إحنا ماشين على سطر و تاركين سطور كثير. بالنسبة للأزواج وحمله التعدد دا كلام مفروغ منه كلام ربنا مش فيه نقاش ربنا حلل التعدد آه حلل التعدد مش ينفع نقول دى خيانه بس لازم تفهم يا جميل إن ربنا قال لو خفتم ألا تعدلوا فواحده. يا جماعة هى مش حرب. إستقيموا يرحمكم الله . كفا كفا ما نشاهده وما أصبحنا عليه من دمار نفسي و قيمى و أخلاقى . فى جملة أثارت الجدل فى نفسي قالتها الأستاذة هبة قطب على السوشيال ميديا (الراجل مش بيعرف يكون حنين إلا فى الحرام).ممكن تقولوا لى الست دى عايزه تقول إيه أو ما هى الرسالة اللى عايزه توصلها للستات والبنات فى مجتمعنا و للرجال أيضا . افيقوا هذه حرب دين و أخلاق و مجتمع . بقلمى #Marwa- #Sarhan