ضحكة صفرا ..كلمات الشاعر //حسن الشوان

 

ضحكة صفرا ..كلمات الشاعر //حسن الشوان
يا دنيا انا مش حمل كفك
عشان ترمينى من ع كتفك
وتقسى عليا كمان وكمان
والأرض خدتنى بالأحضان
لما قاسيتى عليا بعنفك
ومفاجئتك كانت بركان
ومتخيل إنى فى أمان
اتارينى فى حياتك عريان
وتختارينى انا من رفك
لا بإنذار ولا حتى بإعلان
و تحرميني أدووق عطفك
وتقفلى قدامى كل البيبان
وتخلى زرع إيدى عطشان
وتسلطى عليا كل معارفك
ويبقى السؤال على اللسان
ما جبتش اسمك لأى إنسان
ولا كتبت سيرتك بأى عنوان
ولا مره غيرت فى وصفك
و تضحكى ليا ضحكه صفرا
والقا أنيابك ليا فى كل نظرة
وعمرى ماكدبت عليكى مره
ولا فى أى جمله كتبت حرفك
إتحملت منك الكتير ومتحمل
وطول عمرى عايش فى صفك
وعايش بطبيعتى وما بتجمل
ومش ح بدأ تانى ولا أتحول
خلاص إتعلمت وعرفت صنفك
…………………………………..
……… حسن الشوان 🇪🇬 ……..

اظهر المزيد