متي تعترف وزاره التعليم بأبناء المغتربين
كتبت/هاله احمد
ابناءنا ابناء العاملين بالخارج بيدرسوا منهج مصري وبيمتحنوا كل عام كانت السفارة في كل بلد بتعقد لهم الامتحان حضوري في احد مدارس المسار المصري في نفس البلد ولكن من ايام كورونا والامتحان اون لاين واستمر الوضع حتي الان وبعد كورونا اون لاين وهذا الوضع يضر باولادنا لان مافيش درجات ودا ادي الي استهتار الاولاد بالمذاكرة
لكن لما يوصل الوضع ان الصف الثالث الاعدادي يمتحن الطالب اون لاين وتطلع النتيجة انه اجتاز بدون درجات وعند نزول الطالب للتقديم في احد المدارس الثانوية في مصر ما يرضوش يدخلوه انتظام و يدخل منازل او لو عايز انتظام امتحن تاني معادلة في الثالث الاعدادي وحسب درجاتك هتدخل
طيب احنا ايه ذنبنا احنا دفعنا رسوم للوزارة بالدولار عشان تمتحن اولادنا والوزارة امتحنتهم اولاين من غير درجات
فهل من العدل اننا ننزل اجازة في الصيف يمتحن الطالب تاني في سنة كاملة او يدخل منازل
ليه ما يتساوي بالطالب غير المغترب ويدخل انتظام
وكمان طالب الثانوي المنازل ليس له كليات عسكريةعشان الكليات العسكرية عايزة شهادة حسن سير وسلوك من المدرسة
ايه ذنبنا انك ما اختبرتش الطلاب واخدوا درجات
الوزارة بتوفر الرسوم ومش عايزة تعقد امتحانات حضوري علي الاقل للصف الثالث الاعدادي عشان مستقبل اولادنا وانهم مايتحرموش من حقهم في دخولهم الكليات العسكرية
بنطالب بالمساواة والعدل بين كل ابناء الوطن في الداخل والخارج
